ایک بچی اور قرآن

بقلم : محمد طارق قاسمی مظاہری لکھیم پوری

ایک  دن   ایک  بچی  نے   قرآں  لیا 

کھولاجلدی سےاُس کو جہاں سےکُھلا

رکھ دیا دَس کا  اِک نوٹ  قرآن میں

رکھّاقرآں کو پھراُس کے جُزدان میں

دیھ کر  یہ عمل  بولا  اس کا چچا

نوٹ قرآن میں تونے کیوں رکھ دیا؟

بولی وہ، میرے پیسوں کو میرے چچا!

کوئی لےلیتا ہے رکھتی ہوں جس جگہ

نوٹ یہ  میں نے  قرآن میں  رکھ دیا

اب تو سمجھو کہ محفوظ یہ ہوگیا

لیگا اب میرے پیسوں کو کوئی نہیں

کیوں کہ قرآں  کوئی کھولتا ہی نہیں

اے مسلماں! بتا  تجھ  کو کیا ہو گیا

آیا  تھا  کس لئے  اور کہاں کھو گیا

کس طرح چھوڑ رکّھا ہے قرآن کو

بھول بیٹھا ہے تو رب کے فرمان کو

 Website with 5 GB Storage

اپنا تبصرہ بھیجیں