نیوزی لینڈ حملہ بربریت اور وحشیانہ عمل :مولانا محمود مدنی

Views: 11
Spread the love
Avantgardia

جمعیت علماء ہند کے جنرل سکریٹری مولانا محمود مدنی نے نیوزی لینڈ کے شہر کرایسٹ چرچ کی مسجد میں نمازیوں پر وحشیانہ حملے پر سخت دکھ اور اضطراب کا اظہار کرتے ہویے اسے دہشت گردانہ اور وحشیانہ عمل قراردیا ہے.

انھوں نے کہا کہ دہشت گردی کو مشرق اور مغرب میں بانٹنے کے بجایے ضرورت اس بات کی ہے کہ اس کے خلاف پوری دنیا متحد ہو. حقیقت تو یہ ہے کہ دہشت گردی نے بلاتفریق پوری انسانیت کو مشکل میں ڈال رکھا ہے.

مولانا مدنی نے کہا کہ دنیا کے بااثر افراد کو یہ سمجھنا ہوگا کہ ان کے خیالات، تقاریر اور رویے دوسروں کو اس حد تک بھی متاثر کرسکتے ہیں. اس لیے وہ خود کو ایک ذمہ دار کے طور پر پیش کریں اور پر امن دنیا کی تعمیر میں اپنا کردار ادا کریں.

مولانا مدنی نے حادثے کے بعد نیوزی لینڈ کی وزیر اعظم اور وہاں کے عوام کے ہمدردانہ رویے کی ستایش کی ہے اور امید ظاہر کی ہے کہ مجرموں کو قرار واقعی سزا ملے گی.
مولانا مدنی نے امت مسلمہ کو بھی غور وفکر کی دعوت دی ہے کہ وہ اسلام کےپیغام انسانیت و اخوت کو عام کرنے کے لیے کس طرح ٹھوس اور موثر کردار ادا کرسکتے ہیں.

Comments: 0

Your email address will not be published. Required fields are marked with *

0

Your Cart