الیکشن 2019 کے بعد مسلمانانِ ہند سے خطاب

:محمد طارق قاسمی لکھیم پوری

نا اُمِیدی  نہیں  سکھلاتا  ہے  قرآں تیرا

ہے  یہی  وقت  کہ  جوہر ہو  نمایاں تیرا

جس کی خوشبو سے معطر ہوا سارا عالم

کیسے  ممکن ہے  اجڑ جائے گلستاں تیرا

تیری اک پھونک سے مٹ جائےگا باطل کا طِلَسم

شرط  اتنی  ہے  کہ مضبوط ہو  ایماں تیرا

حیف! تواُن کو سمجھ بیٹھا مسیحا اپنا

پاس  جنکے نہیں موجود ہے  درماں تیرا

ہو  اگر  ملک میں  مضبوط  قیادت  تیری

راستہ پھر تو نہ روکے  کوئی طوفاں تیرا

ہارنے والے جو ہارے ہیں تجھے غم کیوں ہے

پورا  کرتے  نہیں  وہ  جیت  کے ، ارماں تیرا

جب تلک جوشِ جنوں تجھ میں رہےگا باقی

” قافلہ  ہو  نہ سکے گا کبھی  ویراں تیرا”

 Website with 5 GB Storage

اپنا تبصرہ بھیجیں