زبان و ادب

نعت سرور عالم ؐ

عبدالغفاردانش ؔ نورپوری 9897565066

دنیا کے ہر محاذ پہ ہم فتحیاب ہیں
قائد اگر ہمارے رسالتؐ مآب ہیں

عزت مآب کل بھی تھے اصحاب آپؐ کے
ان کے غلام آج بھی عالی جناب ہیں

حسنینؓ آنکھیں فاطمہؓ دل ہیں رسولؐ کا
دل کے قریب شیر خدا بو ترابؓ ہیں

طہ ہو یا مزمل و احمد ہو یا منیر
”جتنے بھی نام آپ کے ہیں لاجواب ہیں“

کرتے ہیں جو اطاعت سرکار بالیقین
واللہ دوجہان میں وہ کام یاب ہیں

صدیقؓ ہوں عمرؓ ہوں کہ عثمانؓ یا علیؓ
روشن رسول پاک سے یہ ماہتاب ہیں

پڑھ کر درود پاک جو مانگیں ہیں آپ نے
دعوات وہ خدا کے یہاں مستجاب ہیں

ہے مغفرت کی آس شفاعت رسول کی
میرے گناہ میرے خدا بے حساب ہیں

گرداب میں سفینہ ہے دانش کی قوم کا
رہبر مگر حضور ابھی محو خواب ہیں

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

یہ بھی پڑھیں
Close
Back to top button
Close
%d bloggers like this: