پٹنه
صفت پٹنے کی کیا کروں میں بیاں
کہ ہے جائے آرام وامن واماں
اگر چہ ہیں سب شہر خوبی کے باب
ولے ہے گا یہ قابل انتخاب
زبس خوش ہوا میں نے پایا اسے
بہت دل کشا میں نے پایا اسے
نپٹ اس کی خوبی پہ دل غش ہوا
ارم مجھ کو وہ شہر دل کش ہوا
دل غمزدہ ہوگیا باغ باغ
مٹا دیکھ کر اس کو دہلی کا داغ
یہ پٹنہ عجب دل کشا شہر ہے
کہوں کیا میں راغب کہ کیا شہر ہے
پری رو نظر آتی اس میں قہر
کہے تو کہے گا یہ پریوں کا شہر
ظہور عجائب ہی دن رات ہے
نہیں شہر ہے یہ طلسمات ہے
عجب عشق انگیز ہے یہ زمیں
کوئی سرزمیں اور ایسی نہیں
الہی یہ آباد دائم رہے
جو حاکم ہے یاں کا سو قائم رہے۔
