فرمان مصطفی سے بغاوت نہ کیجیے

*نظم*
ازقلم افتخار حسین احسن.
*رابطہ6202288565*

رب کے سوا کسی کی عبادت نہ کیجیے.
*فرمان مصطفی سے بغاوت نہ کیجیے*

ناراض ہونگے آپ سے سرکار مصطفی.
غیروں کے جیسی شکل وشباہت نہ کیجیے.

نفرت کی جس سے آہنی دیوار ہو کھڑی.
بزم جہاں میں ایسی نظامت نہ کیجیے.

راہِ خدا میں جان بھی گر جاے آپ کی.
میداں سے. بھاگنے کی حماقت نہ کیجیے.

جس سے وطن کی آبرو مل جاے خاک میں.
بھولے سے اس طرح کی سیاست نہ کیجیے.

مشکل کشا ہے ذات خدا صرف اس لیے.
بے جان پتھروں سے شکایت نہ کیجیے.

جس شہر میں نہ آپ کو عزت نصیب ہو.
احسن کبھی بھی اس میں اقامت نہ کیجیے.