ممتاز گرلز ہائی اسکول جالنہ میں سیرت پاک مہم کے ذیل میں جلسہ سیرت النبیﷺ
جالنہ: رسول اللہ صلی اللہ علیہِ وسلم کی سیرتِ طیبہ تمام انسانیت کے لئے عملی نمونہ ہے،محمد عربی صلی اللہ علیہِ وسلم نے عورت کو عزت اس کے حقوق کی حفاظت کی اس کے ساتھ حسنِ سلوک کو ایمان و اخلاق کا معیار قرار دیا، آپ نے عورت کو محض صنف کی حیثیت سے نہیں دیکھا بلکہ اسے ایک بیٹی، بہن ،بیوی، ماں اور معاشرے کی ایک باعزت فرد کی حیثیت سے اس کے حقوق عطا کئے،آپ کی پوری زندگی عورتوں کے ساتھ رحمت ،شفقت، حسن سلوک اور نگہداشت کا روشن نمونہ ہے ہماری بچیوں کو ان پاکیزہ تعلیمات کو عملاً لوگوں کے سامنے رکھنا چاہئےاس طرح کے خیالات کا اظہار مولانا سیّد نصراللہ حسینی سہیل ندوی نائب صدر جمعیت علماء مرہٹواڑہ نے ممتاز گرلز ہائی اسکول جالنہ کے سیرت پاک مہم کے تحت جلسے میں وہاں کی طالبات سے مخاطبت میں کیا۔
جمعیۃعلماء ارشد مدنی ضلع جالنہ نے آج 1 ستمبر منگل کو صبح 9 بجے ممتاز گرلز ہائی اسکول جالنہ میں منعقد کیا ، جلسہ کے شروع میں یہاں کی طالبات مریم ذبیح اللہ ، سہانہ شیخ مجید ، منیزہ محمد اطہر ، نغمہ شیخ سلیم ، عالیہ نثار قریشی ،آیات محمد جاوید ،برکت محمد جاوید نے سیرت پاک کے موضوع پر نہایت جاندار تقاریر کیں اور داد تحسین حاصل کیا۔
مفتی محمد یوسف ندوی نائب قاضی شریعت جالنہ نے اپنی عالمانہ اندازمیں بچیوں کو سنتوں پرہمیشہ عمل پیرا رہنے کی تلقین کی ، عطا محمد بخشی صاحب رکن جمعیت علماء نے اسکول کی طالبات کےبہترین تعلیمی مظاہرہ پر انہیں شاباشی دی اور اسلامی تشخص وشناخت کو ہم اپنا وطیرہ بنائیں اس کی جانب توجہ دلائی
نکہت باجی صدر معلمہ محترمہ نے مہمانان کرام کا شکریہ ادا کیا ،یاسر عرفات سر نے گل پوشی و شال کے ذریعہ مہمانوں کا استقبال کیا ،محمد رفیق ٹیچر ادارہ نے بڑی خوش اسلوبی سے نظامت کے فرائض انجام دیئے مہمانان کرام میں مولانا سہیل ندوی ، مفتی یوسف ندوی ، مولانا عیسیٰ خان کاشفی ، عطاء محمد بخشی صاحب محمد شارق قریشی رکن جمعیت علماء وغیرہ تھے ۔
حافظ عبد السلام قریشی صاحب کی دعا سے اس بابرکت مجلس ختم ہوئی،
Best Regards…..
Jamiat Ulama e Maharashtra
Imam Bada Compound ,Imam Bada Road,
Mumbai 400009 Maharashtra (India)
Tel:- +91-22-23725373-23735373
Fax:- +91-22-23759169
EMail:- jamiatulamaemaharashtra@gmail.com / info@jumaharashtra.com
Twitter:- https://twitter.com/JamiatNGO
Web:- http://jumaharashtra.com/
Facebook:-https://www.facebook.com/pages/Jamiat-Ulama-e-Maharashtra/287023801404647
