محترم حضرات و خواتین ….. سلام مسنون۔
اصلاح رسوم کمیٹی، کی تشکیل کی خبر تو آپ کو مل ہی چکی ہوگی، خواہش تو تھی کہ کمیٹی کیا کر رہی ہے؟ کی اطلاع آپ کو دی جاتی کیا کرنا چاہتی ہے آپ کو بتائی، آپ اس سے کیا تو تعلق رکھتے ہیں، کس حد تک اور کس طور تعاون کر سکتے ہیں آپ سے دریافت کرتی لیکن، تشکیل کے بعد کے ابتدائی مراحل نے توقع سے زیادہ وقت لے لیا۔
اب تک کمیٹی کی تین نشستیں ہو چکی ہیں، ان میں کیا کچھ ہوا کی تفصیل میں جاتے ہوئے فی الحال آپ کو اتنا بتا دیں کہ ہم نے اپنے لیے کچھ قواعد و ضوابط مرتب کرکے طریقہ کار طے کر لیا ہے اور اس پر عمل بھی شروع ہو چکا ہے۔
جلسہ عام کی پاس شدہ تجاویز کی خلاف ورزی سے متعلق چند شکایات کمیٹی کے پاس آئی تھیں، اس سلسلے میں ابتدائی چھان بین ہو چکی ہے اور کمیٹی اپنی آئندہ نشست میں اس سے متعلق کوئی فیصلہ کرے گی۔
دریں اثنا آپ کو اتنا بتا دیں کہ کمیٹی کا طریقہ کار اس بات کی اجازت دیتا ہے کہ ….. اگر جلسہ عام کی پاس شدہ تجاویز کی خلاف ورزی ہوتی ہے تو ان خلاف ورزی کرنے والے حضرات و خواتین کے نام کمیٹی کی منظوری سے برادری میں تشہیر کئے جائیں ….۔
جلسہ عام منعقدہ 20 اپریل 1972ء کی پاس شدہ تجاویز آپ کے سامنے ہیں۔ انہیں ذہن میں رکھیے، ان کی تشہیر کیجیے، خود ان کی خلاف ورزی نہ کیجیے، کوئی ایسا کرتا ہے تو اسے اپنے طور پر روکیے، اخلاقی دباؤ ڈالیے۔ اصلاح رسوم کمیٹی سے پورا تعاون کیجیے تاکہ آپ کی آنے والی نسلیں خوشحالی اور اطمینان و سکون کی زندگی بسر کر سکیں (شکریہ)۔
برائے اصلاح رسوم کمیٹی قوم پنجابیان (ریاض عمر رئیس والے) کنوینر 1333 حویلی حسام الدین حیدر، بلیماراں دہلی مورخہ 22 مئی 1972ء اعلیٰ پریس دہلی
جلسہ عام منعقدہ 20 اپریل 1972ء کی پاس شدہ تجاویز
- تجویز 1: خاطر جمع کی رسم!
- اس تقریب پر تواضع صرف دودھ سے کی جائے۔
- بھیجنے والی خاتون کو صرف پانچ کلو مٹھائی دی جاسکتی ہے، بطور بھاجی، لڑکے والوں کی طرف سے لڑکی والوں کے ہاں زیادہ سے زیادہ چودہ کلو مٹھائی بھیجی جاسکتی ہے۔
- اور رجوعاً لڑکی والوں کی طرف سے بھی زیادہ سے زیادہ چودہ کلو مٹھائی لڑکے والوں کے ہاں بھیجی جاسکتی ہے۔
- دیگر اشیاء، ترکاری، فروٹ، برتن وغیرہ بھیجنے کی رسم ترک کی جاتی ہے۔
- تجویز 2: بھاری منگنی!
- اس رسم کو قطعاً بند کیا جاتا ہے۔
- تجویز 3: چوڑی مہندی!
- دلہن کے لئے عید الفطر کے موقع پر صرف ایک خوان چوڑی مہندی، دو جوڑے کپڑے، چودہ کلو مٹھائی بھیجی جاسکتی ہے۔
- اس موقع پر کوئی زیور نہ بھیجا جائے۔
- عیدین کے موقع پر عیدی کی رقم لڑکے والوں کی طرف سے اکتیس روپئے (اور لڑکی والوں کی طرف سے اکتیس روپئے) سے زائد نہ ہوں۔
- تجویز 4: قربانی کا جانور!
- منگنی کے دوران لڑکے والوں کی جانب سے بہو کے لئے قربانی کا جانور نہ بھیجا جائے۔
- تجویز 5: بکری کے جوڑے!
- لڑکے والا دلہن کیلئے مہندی کے ساتھ زیادہ سے زیادہ سات جوڑے بھیج سکتا ہے۔
- زیور کے معاملہ میں اعتدال سے کام لیا جائے۔
- تجویز 6: دعوت نامہ!
- شادی کا دعوت نامہ کاغذ پر یا سادہ کارڈ پر ہونا چاہئے، اس مقصد کے لئے نمائشی و قیمتی کارڈ یا کاغذ کا استعمال نہ کئے جائیں۔
- تجویز 7: اجتماع طرفین!
- اجتماع طرفین یکجا ہو: بہتر ہے کسی مسجد میں ہو۔ مگر کسی ہوٹل میں نہ ہو۔
- زیبائش، ڈیکوریشن (آرائش) سے اجتناب کیا جائے۔
- تجویز 8: پابندی وقت!
- شادی کی ہر تقریب میں وقت کی پابندی کی جائے اور ہر تقریب موسم گرما میں رات دس بجے، موسم سرما میں رات نو بجے سے قبل ختم کردی جائے۔
- اجتماع طرفین کا جو وقت مقرر ہو اس سے نصف گھنٹہ میں نکاح پڑھادیا جائے۔
- تجویز 9: بارات کا کھانا!
- بارات کا کھانا بند کیا جاتا ہے۔
- البتہ مہمانوں کی تواضع ٹھنڈے گرم مشروبات سے کی جاسکتی ہے۔
- مشروبات میں آئس کریم، قلفی وغیرہ شامل نہیں ہیں۔
- مشروبات کے ساتھ کوئی دیگر چیز پیش نہ کی جائے۔
- نیز اسراف فریقین کے درمیان کھانے کا لین دین نہ ہوگا۔
- تجویز 10: جہیز!
- دلہن والوں کی طرف سے جہیز میں قیمتی سامان دینے سے اجتناب کیا جائے۔
- اس معاملے میں سادگی واعتدال سے کام کیا جائے۔
- جہیز کی نمائش و اعلان ممنوع قرار دیئے جاتے ہیں۔
- تجویز 11: ولیمہ!
- ولیمہ کی دعوت میں سادگی سے کام لیا جائے، اور صرف ایک کھانا پیش کیا جائے۔
- یعنی روٹی، ایک وضع کا سالن، کھیر یا میٹھے چاول بصورت دیگر سلونے میٹھے چاول۔
- تجویز 12: ولیمہ پر داماد کے جوڑے!
- لڑکی والے ولیمہ والے دن داماد کے لئے سوٹ کیس یا اس کے بدل نقدی بھیجتے ہیں، اس رسم کو قطعی بند کیا جاتا ہے۔
- تجویز 13: سم دہیانے کے دین دستور!
- فریقین کے آپس میں دین دستور قطعی بند کئے جائیں۔
- تجویز 14: عقیقہ!
- عقیقہ مسنون ہے، سنت کے مطابق اس کو ادا کیا جائے۔
- اذان کی مٹھائی بھیجنے کا دستور بند کیا جائے۔
- اس موقع پر مٹھائی برتن میں تقسیم نہ کی جائے۔
- تجویز 15: کرتا ٹوپی!
- کرتا ٹوپی کی رسم بالکل بند کی جاتی ہے۔
وَمَا تَوْفِيقِي إِلَّا بِاللَّه
