*باشندگان بہار سے ایک دردمندانہ و مخلصانہ اپیل و گزارش**
✍️محمد ابوذر مفتاحی ارریاوی*_______*9973448898*#*
افراد کے ہاتھوں میں ہے اقوام کی تقدیریں،* *ہر فرد ہے ملت کے مقدر کا ستارہ**الیکشن کمیشن کے مطابق چھ 6/اور 11/ نومبر 2025 کو دو مرحلہ میں چناؤ اور 14/نومبر 2025کو نتیجہ آنے کا اعلان ہوچکا ہے ، اس لئے ملک کے چپہ چپہ گوشۂ گوشۂ میں پھیلے ہوئے باشندگان بہار سے اپیل ہے کہ اپنے اپنے اسمبلی حلقہ میں پہونچ کر، شرعی قومی و ملی فریضہ سمجھ کر یقینی طور ووٹ کریں*سیاسی گلیاروں میں کافی اتھل پتل ہے ، بڑے جنگی پیمانے پر اور بڑے جوش و خروش کے ساتھ تیاریاں چل رہی ہیں ،سیاست کے میدان کے کھلاڑی عوام کو لبھانے کے لئے بڑے بڑے وعدے کررہے ہیں ، ہمارا ملک ہندوستان گنگا جمنی تہذیب کا علمبردار ہے، یہاں جمہوری نظام قائم ہے ،ووٹ عوام کا بنیادی حقوق اور آئینی حق ہے ،ملک کا دستور اپنے شہریوں کو ووٹ دینے الیکشن لڑنے اور اپنا نمائندہ انتخاب کرنے کا پورا حق عطا کرتا ہے ،جمہوری نظام میں انتخابی عمل کی بہت زیادہ اہمیت ہے ،ووٹ جمہوری ملک میں اس وقت سب سے زیادہ طاقتور ہتھیار کا نام ہے ، جو بندوق کی گولی سے زیادہ طاقتور ہے، کیوں کہ بندوق کی گولی سے وقتی طور پر نقصان ہوتا ہے،جب کہ ووٹ کے غلط استعمال سے دنیا و آخرت برباد ہونے کا قوی اندیشہ ہے ، *آپ اپنے ووٹ کا صحیح استعمال کرکے حکومت کی مثبت و منفی پالیسیوں پر ایک نمایاں اور گہرا کردار ادا کرسکتے ہیں ۔*2025 اسمبلی انتخاب ملک کے دن بدن بگڑتے ہوئے حالات کے تناظر میں بہت اہمیت کا حامل ہے ،اس میں ہماری غفلت سستی اور لاپرواہی خود اس بہار الیکشن 2025اور آنے والی نئی نسلوں کے لئے نا قابل نقصان اور خسارہ کا سبب ہوگی ،اس لئے بہار کے بالخصوص علماء کرام، ائمہ مساجد، دانشوران سماجی کارکنان سیاسی شعور رکھنے والے باشندگان بہار سے ایک دردمندانہ اپیل و گزارش ہے کہ اپنے اپنے اسمبلی حلقہ میں لوگوں میں سیاسی شعور پیدا کریں، اسوقت ملک بھر میں ہر چہار جانب سے داخلی اور خارجی فتنوں کی وجہ سے جو خطرات کے بادل منڈلا رہے ہیں،وہ کسی سے ڈھکی چھپی نہیں ہے ،ان فتنوں سے نمٹنے کے لئے آپ کا قیمتی ووٹ صحیح اور مستحق امیدوار کو کامیاب بنانے میں اہم کردار ادا کرسکتا ہے تب جاکر انقلابی تبدیلی آسکتی ہے ،*آپ کو 3/تین پہلوؤں پر بڑی سنجیدگی اور احساس ذمہ داری کے ساتھ غور وفکر کرکے ووٹنگ کرنا ہے**1/ہم نے دیکھا ہے بہت قریب سے مہاراشٹر الیکشن کے موقع پر وہاں الیکشن جب قریب آتا ہے ،تو وہاں کے علماء کرام ائمہ مساجد دانشوران اور سیاسی شعور رکھنے والے احباب متحرک ہوکر ووٹر بیداری مہم اور عوام میں سیاسی شعور پیدا کرنے کے لئے تحریک چلاتے ہیں* ،اور گاہے بگاہے خاموشی کے ساتھ برائے علماء کرام و ائمہ مساجد و خواص کی میٹنگ کرتے ہیں،،میٹنگ میں باہمی رائے مشورے کے بعد باریک بینی کے ساتھ زمینی صورتحال کا جائزہ لیتے ہیں ، اس کے بعد علماء کرام ائمہ مساجد و سیاسی شعور رکھنے والے احباب اشارہ و کنایہ میں عوام کی مکمل رہنمائی کرتے ہیں ، بہار میں بھی اس طرح کی کام کرنے ضرورت ہے-*2*/آپ کا اپنا اپنا قیمتی ووٹ اپنے اپنے اسمبلی حلقہ میں کسی ایسی پارٹی یا کسی امیدوار کو دیں جو ان کا بیگ گراؤنڈ ٹھیک ٹھاک ہو، سماج میں بہتر شبیہ ہو، سیکولر مزاج و نظریات کے حامل ہوں، ذاتی واد، برادری واد سے اوپر اٹھ کر انسانی خدمت کرنے کا اپنے دل میں جزبہ رکھتا ہواور تمام طبقات کو لیکر چلتا / چلتی ہو ان کو ووٹ دیں ،*3*/زمینی صورتحال کی تحقیقی تجزیہ اور جائزہ لینے کے بعد زیادہ امید ہے کہ فلاں امیدوار میرے حق و حقوق کی بہتر نمائیندگی کرسکتے ہیں ان کے اندر وہ صلاحیت ہے ، علاقے کی فلاح وبہبود کے لئے عملی طور پر کچھ کرنے کا جذبہ رکھتے ہیں ،اور یقینی طور پر لوگوں کے رجحانات ہوں کہ فلاں امیدوار جیت درج کرکے کامیاب ہوجائے گا اس صورت میں تمام لوگ اتحاد و اتفاق کے ساتھ ہر ممکن کوشش کیجئے کہ مسلمانوں کا ووٹ منتشر نہ ہوں نہیں تو لمحوں نے خطا کی دسیوں نے سزا پائی کے مستحق ہوں گے ، قوم و ملت و جمہوری تحفظ کےلئے آئیے عہد کریں کہ ووٹ 100٪ کریں گے اور اچھے امیدوار کو کامیاب بنانے میں اہم کردار نبھائیں گے اللہ ہم سب کا حامی و ناصر ہو
