مرکزی حکومت نے درج فہرست قبائل اور دوسرے روایتی طور پر جنگلات میں رہنے والوں کا (جنگلات کا حق تسلیم کرنے) کا قانون 2006 پاس کیا۔ اس ایکٹ کے تعارف میں کہا گیا ہے کہ اس ایکٹ کا مقصد ان تاریخی نا انصافیوں کا ازالہ کرنا ہے جو کہ جنگلات میں رہنے والوں کی زمین اور اس کے وسائل پر ان کے حقوق کو تسلیم نہ کرنے کی صورت میں کی گئیں ۔ یہ حق ان کی رہائش گاہوں ، قابل کاشت زمینوں اور چراگاہوں اور عمارتی لکڑی کو چھوڑ کر جنگلات کی دوسری پیداوار پر ان کے حقوق کو تسلیم کرتا ہے۔ یہ ایکٹ اس بات کی طرف بھی اشارہ کرتا ہے کہ جنگلات میں رہنے والوں کے حقوق میں جنگلات کا تحفظ اور اس کے انواع کی حیاتی رنگا رنگی بھی شامل ہے۔
