جامعۃ الہدی جہاز قطعہ میں مولانا منقاد صاحب اور مولانا ریاض صاحب قاسمی کی آمد، جامعہ کا معائنہ اور طلبہ و اساتذہ سے ملاقات
جہاز قطعہ، گڈا، 7 جون 2026 (نمائندہ):
بتاریخ 7 جون 2026 بروز اتوار بعد نمازِ مغرب، اتر پردیش کے ضلع میرٹھ کے معروف دینی ادارے "مدرسہ حسینیہ اجراڑہ، میرٹھ” کے استاذِ محترم مولانا منقاد صاحب، ضلع گڈا کے دورے کے دوران جامعۃ الہدی جہاز قطعہ تشریف لائے۔ اس موقع پر ان کے ہمراہ مولانا ریاض صاحب قاسمی، بانی و مہتمم جامعہ عائشہ للبنات، قصبہ بھی موجود تھے۔جامعۃ الہدی پہنچنے پر قاری کلیم الدین صاحب راہی ، مولانا بلال صاحب قاسمی اور اساتذۂ کرام نے معزز مہمانوں کا خیر مقدم کیا۔ جامعہ کا تعلمی طریقہ کار بتایا گیا ، مستقبل کے لیے لائحہ پر تبادلہ خیال ہوا طلبہ و اساتذہ سے ملاقات کی کچھ طلبا کا تعلیمی جائزہ لیا اور جامعہ کے تعلیمی، تربیتی اور تعمیری کاموں پر مسرت کا اظہار کرتے ہوئے اپنی نیک تمناؤں کا اظہار فرمایا۔اس موقع پر مولانا موصوف نے جامعۃ الہدی کی ترقی، استحکام اور اس سے وابستہ تمام افراد کے لیے خصوصی دعا بھی فرمائی۔ بعد ازاں وہ مفتی محمد نظام الدین قاسمی، بانی و مہتمم جامعۃ الہدی جہاز قطعہ، کی رہائش گاہ پر تشریف لے گئے، جہاں ان کی ضیافت میں عشائیہ پیش کیا گیا۔عشائیہ کے بعد مولانا منقاد صاحب اور مولانا ریاض صاحب قاسمی واپس سین پور روانہ ہوگئے، جہاں ان کا قیام تھا۔جامعۃ الہدی کے ذمہ داران نے معزز مہمانوں کی تشریف آوری کو جامعہ کے لیے باعثِ سعادت قرار دیتے ہوئے امید ظاہر کی کہ ان کی دعاؤں اور رہنمائی سے ادارہ مزید ترقی کی منازل طے کرے گا۔
