محمد یاسین جہازی
9891737350
جمعیت علمائے ہند کے صدر محترم حضرت مولانا محمود اسعد مدنی صاحب اور ناظم عمومی حضرت مولانا حکیم الدین صاحب قاسمی کی ہدایت پر راقم محمد یاسین جہازی کوانگلش ہاوس اکیڈمی حیدرآباد کے یکم مئی تا 30؍ مئی 2024 ءیک ماہی تربیتی ورکشاپ حیدرآباد میں زانوے تلمذ طے کرنے کا شرف حاصل ہوا۔ اس سے پہلے ایک چالیس روزہ ٹریننگ بھی لے چکا تھا، اس پورے مہینے میں محترم زماں سر نے اپنے تجربات حیات کو نچوڑ کر جو قیمتی نصیحتیں پیش کیں، اس کا خلاصہ جہازی میڈیا کے قارئین کے لیے پیش کیا جارہا ہے۔ روداد سفر پھر کبھی لکھیں گے ان شاء اللہ تعالیٰ۔
2؍مئی 2024ء سیشن کے آغاز کے دن، جو سکندرآباد میں واقع ہری ہرا کلا بھون میں منعقد ہورہا تھا اور ہال کی پندرہ سو سے زائد سیٹیں کچھا کھچ بھری ہوئی تھیں، درج ذیل سات باتوں کو زندگی میں کامیابی کی کلید بتائی:
1. پختہ ارادہ۔
2. اچھا ادارہ۔
3. صحبت.اچھے ہم نشیں۔
4. بہت محنت۔
5.صبر اور شکر گزاری۔
6. جنون، جذبہ۔
7. قربانی۔
اس کے علاوہ دوران سبق گاہے بگاہے موٹیویشنل ٹاک کے تحت پورے مہینے میں جو باتیں بیان کیں، اس کا خلاصہ درج ذیل ہے:
1. تعلیم
ایجوکیشن پیسہ کمانے کے لیے نہیں؛ بلکہ تہذیب اور زندگی میں ڈسپلن پیدا کرنے کے لیے ہے. ایسا فارمولہ صرف مذہب اسلام کے پاس ہے، اس لیے سچا پکا مسلمان بنیں.
2. جہد مسلسل
استاذ صرف 10 فی صد پڑھاتا ہے، بقیہ 90 فی صد طلبہ کو ہی محنت کرنی ہوتی ہے؛ اس لیے زندگی میں کامیابی حاصل کرنے کے لیے مسلسل محنت جاری رکھیں.
3. عشق بازی اور نشہ
لڑکا اور لڑکی میں کوئی پیار ویار نہیں ہوتا. یہ صرف عزت تار تار کرنے کے خوب صورت نام کا دھوکا ہے، اس لیے عشق بازی اور نشہ سے پرہیز کریں.
4. حسن انتخاب
صاحب اخلاق لائف پارٹنر چنیں جو آپ کو خوشیاں دے سکیں. ظاہری چمک دمک اور پیسہ سے دھوکا نہ کھائیں.
5. والدین کا خیال
محبت ماں کا اور شفقت باپ کا دوسرا نام ہے، اس لیے والدین کے حقوق کا خیال رکھیں.
6. بچوں کی نگرانی
والدین اپنے بچوں کو اپنی نگرانی میں رکھیں؛ کیوں کہ آپ کے بچے تو نیک ہوسکتے ہیں؛ لیکن ماحول نیک نہیں ہے.
7. دکھاوے کا دھوکا
Show off سے بچیں اور ریل زندگی اختیار کریں
8. علما سے ربط
کامیاب زندگی کے لیے علما رول ماڈل ہیں، اس لیے اپنی کامیابی کے لیے علما سے ضرور رابطہ رکھیں.
9. کامیاب ازدواجی زندگی کا فارمولا
بالخصوص لڑکیاں اپنی شادی شدہ زندگی کو کامیاب بنانے کے لیے تین خصوصیات ضرور پیدا کریں :صبر، قربانی اور ایجسٹ منٹ.
10. موبائل اڈیکشن
یہ اچھے بچوں کی آخری نسل ہے. اس نسل کے نوجوانوں میں موبائل نے انسان اور جانور کے درمیان فرق مٹا دیا ہے؛ کیوں کہ موبائل آنکھوں کے زنا سے حقیقی زنا تک پہنچا دیتا ہے، یہاں تک کہ بھائی بہن کے درمیان بھی فرق مٹا دیتا ہے، اس لیے موبائل اڈیکشن سے بچیں.
11. میری فیضان محبت عام ہے. میں سب بچوں سے محبت کرتا ہوں.
12. انقلاب کا وظیفہ
زندگی میں ٹرانسفرمیشن کے لیے روانہ 100 مرتبہ درود شریف پڑھیں.
انگریز تعلیم، اسکیل ڈیولپمنٹ، پبلک اسپیکنگ، مورل ڈیولپمنٹ، ٹیچنگ میتھاڈا لوجی کے علاوہ جناب عبداللطیف خاں صاحب (میموری خاں) کی ٹریننگ میں بہت مفید رہی اور اسمارٹ لرننگ کے مفید طریقے سے واقفیت ہوئی، جس پر ان شاء اللہ موقع ملنے پر تفصیل سے لکھیں گے۔
اس سفر سے بہت سی خوب صورت یادیں وابستہ ہیں؛ معاون اساتذہ میں سے جناب آصف سر، جناب بلال سر، جناب کفیل سراور دیگر حضرات نے ٹریننگ،تعلیم اور تربیت کے لیے جس جاں فشانی اور جذبہ خود سپردگی کے عملی مظاہر پیش کیے،وہ انتہائی قابل تعریف اور صد ہزارتبریک و تحسین کےمستحق ہیں، انگلش ہاوس اکیڈمی اور وہاں سے وابستہ جملہ حضرات کے لیے دلی دعا ہے کہ اللہ تعالیٰ زمانے کے شرور وفتن سے محفوظ رکھے اور ان کا یہ قافلہ ہمیشہ رواں دواں رہے۔
